Градоначалник на Општина Кисела Вода е Билјана Беличанец – Алексиќ.
Билјана Беличанец Алексиќ е родена на 25.07.1973 во Скопје. Во 1994 година дипломира како најмлад актер на Факултетот за драмски уметности, Универзитетот „Св. Кирил и Методиј“ Скопје и истата година се вработува во Народен театар „Војдан Чернодрински“ Прилеп, каде претежно игра главни улоги за кои подоцна добива награди и признанија. Во 1997 година се вработува во Драмски Театар Скопје. Досега има реализирано бројни главни и споредни улоги во повеќе театарски проекти во Драмски театар и други инстутуции и проекти.  
Во нејзината дејност како актер се истакнуваат улогите во претставите „Кандид во земјата на чудата“, „Кинегонда во Карлаленд“, „Албена“, „Медеја“, „Ќелавата пејачка“, „Пинокио“, „Елешник“, „Свадбата на Фигаро“, „Арлекин слига на двајца господари“, „Платонов“, „Мефисто“, „Домот на Бернанда Алба“, „Кандид во земјата на чудата“, „Диво месо“, „Тетовирани души“, „Жив човек“, „Демонот од Дебар Маало“, „Македонски Рулет“, „Комшилук наопаку“, „МКС“, „Црна Дупка“, „Сомнително лице“, „Заводникот од западниот свет“, „Балкански шпион“, „Словенскиот ковчег“, „Фернхад и Ширин“, „Хомоеректус“, „Како се станува цар“, „Што е тоа што ги тера жените да трчаат по улиците на Мадрид“, „Жив чоек„ и други. Добитник е на наградата за актерско остварување за улогата на г-ѓа Мартин во претставата „Ќелавата пејачка“, наградата „13 Ноември“ на град Прилеп за особено учество и придонес во културата, наградата за млад актер на Фестивалот МЕС Сараево 2000 год., награда за главна женска улога во 2009 на театарскиот фестивал „Војдан Чернодрински“ за претставата „Кинегонда во Карлаленд“ и во 2012 година за улогата на Сара во „Генетика на кучињата“, и прогласувана е за најпопуларна глумица за 1997, 2000, 2007 и 2011 година. Добитник на признанието „Мајка Тереза“ во 2012 година.

• < Prev
• Next >