Насловна
Во работна посета на Општина Кисела Вода денес беше министерот за транспорт и врски Ѓорѓи Сугарески. Заедно со градоначалникот Филип Темелковски извршија увид во отпочнувањето на првата фаза од градежните активности на улицата “Христо Татарчев”, крак 22.
Имено, Општина Кисела Вода врши санација на оваа улица која е доста фреквентна и во своето секојдневие ја користат повеќе од 1000 жители.
-Денес сме во работна посета на Општина Кисела Вода, каде, со градоначалникот Темелковски разговараме за сите проекти кои се локални проекти, поврзани со оваа општина. Градоначалникот ме информираше за она што се работи во моментов, во кои делови и населби од Општината. Денес сме на увид во градежните активности на кракот на улицата Христо Татарчев и бев информиран дека по завршување на овие градежни зафати согласно роковите, ќе уследи и продолжување на овој проект, односно втора фаза-истакна министерот Сугарески.
-Дополнително, сакам да информирам дека Владата согласно капиталните проекти што активно и посветено се работат на терен во моментов, имаме сериозно интензизирање на градежната активност, и во делот на изградба на државните патишта, и во делот на изградба на железницата, и водоводните и канализационите мрежи, за коишто имаме сериозен процент на реализација на капитални инвестиции. Очекувам дополнително да биде инвестирано и во третиот и четвртиот квартал на оваа година, така што согласно она што почетно го имавме како ситуација, онаму каде има помала реализација, очекувам дека третиот и посебно четвртиот квартал кога ќе дојдат плаќањата за сите ситуации каде се работи во моментов, ќе имаме сериозно зголемување, а нормално, со тоа и зголемување на економскиот раст. Сакам да истакнам дека Министерството за транспорт и врски и Владата на Република Македонија се партнер и поддржувач на општините и од наша страна, правиме се што е во наша моќ се со цел да помогнеме на општините и во делот на проектите и во делот на плановите кои ги работат, и генералните урбанистички планови, и деталните урбанистички планови, со цел да направиме сериозно развивање на сите општини, вклучително и на Општина Кисела Вода, каде сум денеска присутен-изјави министерот Сугарески.
За време на средбата, градоначалникот Темелковски го информираше министерот Сугарески и за сите останати тековни проекти на територија на Општина Кисела Вода. Дискутираа и се договорија и за продлабочување на соработката помеѓу министерството и општината.
-Денес, имаме работна посета од страна на министерот за транспорт и врски, на која беше информиран за сите активности кои се преземени од страна на Општината Кисела Вода во изминатиот период и оние кои во моментот течат. Искрено говорејќи, мора да истакнам дека кога ја презедовме Општина Кисела Вода, како една од најстарите општини, се соочивме со проблем, да немаме доволно проекти со кои можеме да конкурираме во Владата, па во изминатиот период многу повеќе работевме на проектите, а тие во иднина ќе се остваруваат.
Моментално работиме на санација на кракот 22 на улицата Христо Татарчев, во наредниот период ќе почне тендерска постапка за кракот 14 на улицата Христо Татарчев, веќе се работи на подготовителните работи во Пржино за целосно нова атмосферска канализација, проект финансиран од од Светската банка вреден 110 милиони денари. Ние нашиот дел веќе го работиме, а некаде во октомври ќе почнат и градежните работи во надлежност на Светската Банка, односно финансирани од Светската банка. Дополнително, по препорака од родителите веќе се работи на подобрување на условите во повеќето основни училишта и градинки на територија на Општина Кисела Вода. Ќе издвојам дека заедно со Цементарница Усје работиме на поставување на целосно нова термоенергетска фасада на ООУ Кирил Пејчиновиќ, а се реновираат и тоалетите-и во градинките и во основните училиштата. Сакам да ја изразам својата благодарност до Министерството и до Владата за соработката во изминатиот период, се надеваме дека со сите наши проекти ќе не поддржат и во наредните години за да го вратиме сјајот на нашата Општина.
Дополнително, градоначалникот Темелковски информираше дека преку Скопскиот плански период се одобрени средства за третата фаза за проектот за реконструкција на патот кон Теферич, додека свлечиштето кое што се појави ќе биде санирано од страна на Општината.
-Тендерската постапка за Теферич е завршена, но не влегуваме во градежни активности бидејќи доколку се затвори и овој пат, додека Градот Скопје интензивно работи на кружниот тек, ќе биде отежната комуникацијата и движењето на граѓаните од Припор и Сопиште. Чекаме од Градот Скопе да го заврши својот дел, па Општина Кисела да започне со својот дел од работата. Секој ден нашите екипи се на терен, вршат геомеханички исшитувања, па од сред на септември ќе почне и санацијата на свлечиштето, а и санацијата од третата фаза од реконструкцијата на пристапниот пат до рекреативниот центар Теферич-додаде градоначалникот Темелковски.
Инаку, во моментов на кракот 22 од улицата Христо Татарчев, се врши гребење на постојниот асфалтен слој, по што ќе се нанесе нов асфалт. Градежните активности на фирмата Изолација, треба да завршат за околу дваесет дена.
Please wait...
