Општина Кисела Вода утре ќе се приклучи на глобалната акција за чистење на отпад

Рејтинг на корисник:  / 2
НајлошоНајдобро 

Утре, сабота, со почеток во 10:00 часот, Општина Кисела Вода во соработка со Министерството за животна средина и просторно планирање и здружението за одржлив развој и заштита на животната средина ГОУ ГРИН од Скопје и Град Скопје ќе спроведе акција за чистење на отпадот на својата територија.

За таа цел, вработените во општината ќе бидат активно вклучени во активностите за чистење на отпадоците кои од страна на несовесни граѓани се одложуваат насекаде. Покрај ова, локалната самоуправа ги повикува и граѓаните да се вклучат во овие активности, како заеднички би создале почиста и поздрава животна средина.

Активностите за собирање на отпадоците ќе се одвиваат на две локации, на трим патеката покрај пругите во Кисела Вода, како и под мостот на бул. Србија.

Воедно, утре со поддршка од Министерството за образование и наука и Општина Кисела Вода дел од глобалната/национална акција за чистење на отпадоците ќе бидат учениците и наставниците од сите основни училишта кои се под надлежност на локалната самоуправа.

Имено, глобалната акција за чистење иницирана е од движењето „Let ’s Do it! World“ кое од 2008 година им помага на владите, општините и компаниите да го исчистат отпадот во своите земји.

Општина Кисела Вода претходно ги информира граѓаните за Светскиот ден за чистење, со тоа што ги повика да мапираат локации на кои има нелегални диви депонии на отпад, како би помогнале за поголема успешност на претстојната акција за чистење.

За утрешната национална акција за чистење на отпадот целосна поддршка дава Владата на Република Македонија.  

Додај коментар


Линкови 2

NewsLetter

Внесете ја вашата email адреса за да добивате новости.


FacebookTwitterLinkedin

Twitter Новости

O_KiselaVoda Жителите на Кисела Вода ќе имаат можност да се едуцираат како да добијат бесплатна правна помош https://t.co/ZutlIdKsF0
24hreplyretweetfavorite
O_KiselaVoda Светскиот ден на децата одбележан во Кисела Вода #WorldChildrensDay #UnitedNations https://t.co/bxWbCH02Fc
O_KiselaVoda Градоначалникот Филип Темелковски изврши увид во градежните зафати за санација на патот кој води кон Теферич https://t.co/5ra6rTY8Bj