Во Државното училиште за рехабилитација на деца и младинци со оштетен вид „Димитар Влахов“ се одржа манифестацијата „Јас сум талент 2019“

Рејтинг на корисник:  / 0
НајлошоНајдобро 

Денеска традиционално деветта година по ред во Државното училиште за рехабилитација на деца и младинци со оштетен вид „Димитар Влахов“ се одржа манифестацијата „Јас сум талент 2019“.

Ученици од училиштето домаќин и од општинските основни училишта од Кисела Вода со своите ритмички и музички изведби во преполната сала донесоа расположение и многу насмевки на лицата на публиката. Присутните на овој настан имаа можност во живо да ги слушнат изведбите и на познaтите македонски ѕвезди: поп пејачката Антонија Гиговска, Јуле од фолк групата Кисми, Иван Јованов од Либеро бенд и инструменталниот солист Робер Спасенцовски.

Комисијата составена од естрадните уметници кои настапија и поранешниот манекен и сопственик на модното студио Црнокрак, Мики Црнокрак ги избраа најдобрите изведби на учениците.

Првото место го освоија Јана Јовиќ и Симона Костадинова од ООУ „Кузман Јосифовски - Питу“ за заедничкиот настап со своите соученици со оштетен слух од истото училиште за изведба на песната Мама миа на знаковен јазик, второто место го освои група ученици од ДУРДМОВ „Димитар Влахов“ за изведба на познатата македонска песна, Дојди, дојди севдо моја и трето награден е Јован Василевски од ООУ „Невена Георгиева - Дуња“ кој пред публиката на хармоника отсвири естрадно оро.

Во прекрасниот настап на изведувачите уживаа Александар Алексовски, секретар на Општина Кисела Вода, Горанчо Јакимов, директор на ДУРДМОВ „Димитар Влахов“, Мирјана Златанова, претставник од МОН, Соња Бојаџиева од Лајонс клуб дистрикт 132 Македонија, претставници од НВО ЕСЕ, директори и наставници од основните училишта учесници на манифестацијата.

На крајот претставници на Лајонс клуб дистрикт 132 Македонија и НВО ЕСЕ на директорот Горанчо Јакимов му доделија благодарници за успешна соработка.

Додај коментар


Линкови 2

NewsLetter

Внесете ја вашата email адреса за да добивате новости.


FacebookTwitterLinkedin

Twitter Новости

O_KiselaVoda Утре ул. Киро Фетак без струја https://t.co/s3wvNho8nX
O_KiselaVoda Во Кисела Вода се одржа Мултимедијален хепенинг на отворен простор https://t.co/5B8VQFyBaA
O_KiselaVoda Награди за најдобрите ученици, спортисти и просветни работници во училиштата и градинките https://t.co/kP5Y15ZpqK