Со пресекување на лентата и потпишување на Сертификатите за завршување на проектот, денес беше отворена новата училишна спортска сала во ООУ Рајко Жинзифов во населбата Драчево.
Најпрво беше потпишан Сертификат за техничка исправност на салата помеѓу градоначалникот на Општина Кисела Вода, Филип Темелковски и претставникот на кинеската компанија China IPPR International Engineering Co., Ltd, Colin Fu, а потоа и Сертификатот за заокружување на проектот помеѓу Амбасадорот на НР Кина, Нејзината Екселенција, г-ѓа Yin Lixian и Министерот за образование и наука, г-дин Арбер Адеми.
Новата фискултурна сала е со површина од 588м2. Истата, се состои од повеќенаменска сала – за одбојка, кошарка, ракомет, гимнастика и помошни простории: гардероба, санитарии со тушеви, просторија за тренер заедно со санитарен дел и магацински простор за реквизити.
На настанот, на кој присуствуваа и Советници, пратеници, наставници и ученици, прва се обрати Амбасадорката на НР Кина, Нејзината Екселенција, г-ѓа Yin Lixian.
Упати честитки за успешно реализираниот проект од кој најпрво произлезе нов училиишен објект, а потоа и нова училишна спортска сала, а воедно искажа и благодарност и почит на сите кои дадоа свој придонес за неговата реализација. Истакна дека оваа година нејзината земја одбележува 70 години државност и дека истовремено со намалување на сиромаштијата и развојот на образованието за својата земја, Кина ги исполнува и своите должности како голема држава – а тоа е да помогне, во рамките на своите можности, на широк круг земји во развој.
Од воспоставувањето на дипломатските односи меѓу Н.Р. Кина и Република Северна Македонија преку последниве 26 години, пријателската соработка покажува задоволна тенденција на развој. Како земји во развој, Н.Р. Кина и Република Северна Македонија стојат пред предизвици како што се промовирање на економскиот развој, ослободување од сиромаштијата, исто така и развој на образованието. Заради тоа, покрај остварената соработка во сферите на трговијата, изградбата на автопатишта, резервоари, и други инфраструктурни објекти, Кина придава и големо значење на соработката со Северна Македонија во образованието. На пример, освен проектот во Основното училиште Рајко Жинзифов, Кина финансира и во имплементирањето на интерактивен едукативен систем за далечинско образование за 27 училишта во Скопје. Исто така, Кина дава финансиска помош на Северна Македонија преку обуки, коишто се спроведуваат секоја година. Кинеската страна се надева дека со овие напори ќе придонесе за развојот на образованието на Северната Македонија и е уверена, дека билатералната соработка во таа сфера ќе биде уште подлабока и успешна.Кинезите често кажуваат, дека образованието го определува развојот на земјата, и дека добро образованите млади луѓе ќе помогнат државата да стане посилна. Ја користам оваа прилика да изразам највисока почит на вредните учители од Рајко Жинзифов и искрено им посакувам на учениците, да постигнат нови и континуирани успеси и да ги вложат своите напори за потребите на земјата, и да дадат свој придонес во нејзинот развој и просперитет-истакна Амбасадорот на НР Кина, Нејзината Екселенција, г-ѓа Yin Lixian.
-Овој настан е уште една голема потврда за долгогодишната успешна соработка што ја имаме со НР Кина. Сакам да упатам голема благодарност до амбасадорката Yin Lixian за помошта и поддршката во насока на подобрување на инфраструкурните образовни услови, но и за целата останата поддршка, бидејќи инвестицијата во Општина Кисела Вода не е единствената. Во областа на образованието имало и други досега реализирани проекти, а веќе се планирани и следни. Сорботката и со Владата и со НР Кина и со други странски партнери во насока на подобрување на квалитетот на образовниот процес преку подобрување на условите се покажува како успешна. А за успесите резултатите сами говорат. Затоа уште еднаш сакам да ви честитам на сите вас, на крајните корисници, учениците и наставниците и секако сум убеден дека овој проект ќе влијае врз резултатите, така што очекувам од оваа спортска сала да произлезат врвни спортисти, врвни репрезентативци со чии резултати ќе се гордееме како општество, но ќе се гордеат и нашите пријатели од НР Кина-истакна Министерот за образование и наука Арбер Адеми.
- Големо е моето задоволство што денес заеднички со Амбасадата на НР Кина, со Министерството за образование и наука на Република Северна Македонија и со компанијата China IPPR International Engineering, заокружуваме еден проект кој на учениците од населбата Драчево им овозможи одлични услови за настава-истакна пред присутните градоначалникот на Општина Кисела Вода Филип Темелковски.
650 ученици од ОУ Рајко Жинзифов, учебната година ќе ја започнат со нова фискултурна сала, со што веќе и часовите по физичко воспитување ќе се одвиваат во современи услови.Повеќенаменската сала, ќе се користи за одбојка, кошарка, ракомет, гимнастика...Притоа согласно сите стандарди, во тие 588 квадратни метри колку што е нејзината површина, има и помошни простории- гардероба, санитарии со тушеви, просторија за тренер и магацински простор за реквизити. Ако сакат успех, ако го посакуваат врвот, талентираните спортисти својата дарба мора да ја развиваат уште од најмали нозе. Ние, како Општина сме должни да им обезбедиме погодни услови најпрво тој талент да биде препознаен, а потоа развиван и стимулиран. Ќе бидам среќен ако еден ден, од ова училиште излезе некое големо име во спортот на кој ќе се гордее целата држава.
Дека развивањето на спортскиот дух кај младите е еден од врвните приоритети на Општина Кисела Вода, говори и фактот што секоја година најталентираните спортисти од основните училишта од овој дел на градот, од нас добиваат парична награда, а финансиска поддршка добиваат и спортските клубови, здруженија и спортските манифестации. Во континуитет работиме и на подобрување на спортската инфраструктура, ги реновираме и ги подобруваме условите во училишните спортски сали. За среќа, кога има потреба од поголем финансиски зафат, каков што беше изградбата на спортската сала во ОУ Рајко Жинзифов, ја имаме поддршката од централната власт, од разни институции, компании, и од други земји кои го делат со нас истиот систем на вредности. Знаат што е важно и за што вреди да се помогне.
Затоа, дозволете ми, од мое лично име и од име на сите жители на Општина Кисела Вода да упатам благодарност до Народна Република Кина и нејзиниот Амбасадор, до Владата на Република Северна Македонија и Министерот за образование и наука и до компанијата China IPPR International Engineering кои заедно со Општина Кисела Вода овозможија учениците од Рајко Жинзифов да имаат училишен објект каков што заслужуваат-заокружи Градоначалникот на Општина Кисела Вода Филип Темелковски.
Инаку, како дел од овој голем проект училиштето Рајко Жинзифов беше изградено од темел и пуштено во употреба во 2014 година. Во училиштето во моментов настава посетуваат 650 ученици.
Please wait...
