Насловна
Со денешното доделување на 31 решение за легализација на дивоизградени објекти, бројот на решени предмети за легализација во Општина Кисела Вода достигна 1631. Градоначалникот на Општина Кисела Вода, Билјана Беличанец – Алексиќ информираше дека откако е воспоставена практиката за делење решенија за легализација на неделно ниво, постигнати се посакуваните ефекти.
-“Од една страна се зголеми нормата за издавање на решенија за легализација на неделна основа, но и се стимулираа граѓаните да ја докомплетираат документацијата, односно да ги доставуваат геодетските елаборати” – изјави Беличанец – Алексиќ.
Таа им честиташе на граѓаните и порача дека практиката за делење на решенија на неделна основа ќе продолжи и понатаму.