Насловна

После повеќе од 60 години, месноста Порупи во селото Драчево доби нова водоводна мрежа. Oпштина Кисела Вода ја заврши изградбата на водоводна линија долга 1480 метри на улицата “Илија Ристевски” и нејзините краци.

Се работи за капитална инвестиција која на 800 жители кои годии наназад се бореа со проблемите со застарената мрежа, сега им обезбедува квалитетни и современи услови за живеење.

-Денес, ја пуштаме во употреба новата водоводна линија во месноста Порупи, село Драчево, со што завршуваат неколкудецениските пробеми со водоснабдувањето на овдешните жители. Имено, мрежата од која досега се снабдуваа, е градена пред 60-тина години, во време кога населеноста, а со тоа и потребите биле значително помали. Имено, тогаш во ова место живееле околу 40, а сега дури 150 семејства. Исто така, се јавуваа и големи проблеми поради и притисокот што се јавуваше врз неа, бидејќи минуваше низ дворовите и куќите на жителите на улицата “Илија Ристевски” и нејзините краци. Новата водоводна мрежа која денес ја ставаме во функција, се протега во должина од 1480 метри.

Сакам да упатам голема благодарност до ЈП “Водовод и Канализација”, со кое во партнерство го реализиравме овој проект. Притоа, тие го обезбедија потребниот материјал, додека ние, како Општина Кисела Вода се погриживме во делот на човечките ресурси, односно учествувавме во изведбата со работна рака за ископот и за поврзувањето на домаќинствата кон мрежата. Резултатите се видливи. Од денес, околу 800 жители, имаат достоинствени, современи  услови за живеење, а ние, како локална самоуправа, ќе продолжиме со вакви капитални проекти и во сите останати места каде постојат суштински проблеми, недозволиви за 21-от век-изјави градоначалникот Орце Ѓорѓиевски, кој денес и самиот го провери притисокот на водата во куќата која е поставена на највисоката кота во месноста Порупи.

• < Prev
• Next >