Кисела Вода мора да биде чиста општина, а за тоа треба сите да дадеме свој придонес, апелираше денес до несовесните граѓани градоначалникот Орце Ѓорѓиевски, кој присуствуваше на акцијата за чистење на депониите, која денес се одвива во Расадник.

Повеќе: Општина Кисела Вода денес чистеше депонија во Расадник

Градоначалникот Орце Ѓорѓиевски, денес оствари средба со постојаниот претставник на UNDP во Македонија Армен Григоријан, на која беа дискутирани повеќе важни теми и беа дефинирани насоките за заедничко делување во претстојниот период.

Повеќе: Средба помеѓу Градоначалникот Орце Ѓорѓиевски и постојаниот претставник на UNDP во Македонија Армен Григоријан

По повод Интернационалниот ден на жената 8 Март, КУД “Китка” одржа јавен час во Домот на култура во Драчево.

Повеќе: КУД “Китка” од Драчево со јавен час го одбележа Денот на жената

Советот на Општина Кисела Вода ќе ја одржи дваесеттата пленарна седница на 13.03.2023 година (понеделник) со почеток во 11:00 часот, со следниот дневен ред:

-Усвојување на Записникот од 19-та пленарна седница

-Усвојување на Записникот од 20-та пленарна седница

1.Информација за безбедносната состојба на подрачјето на Општина Кисела Вода за 2022 година на Полициска станица од Општа надлежност ,,Кисела Вода,,;

2.Годишен Извештај за работата на Полициска станица од Општа надлежност ,,Драчево,, за 2022 година;

3. Предлог – Одлука за кофинансирање на проектот “Набавка на комбиниран ровокопач - натоварувач”;   

4.Предлог – Одлука за кофинансирање на проектот “Инвестиција во фотоволтаици, енергетска ефикасност, заштита на човекова околина”  ;   

5.Предлог - Одлука за  формирање  Комисија за селекција за избор на членови во управен одбор и надзорен одбор за контрола на материјално - финансиско работење на Јавното претпријатие за стопанисување со спортски сали и спортски објекти Кисела Вода КВ Скопје;

6. Предлог - Одлука за распишување на Јавен повик за пријавување на заинтересирани лица за избор на членови во управен одбор и надзорен одбор за контрола на материјално-финансиско работење на Јавното претпријатие за стопанисување со спортски сали и спортски објекти Кисела Вода КВ Скопје;

7. Квартални извештаи К1, К2 и К3 за четвртиот квартал од 2022 година – К1-квартален извештај за извршување на Буџетот на Општина Кисела Вода за  извештајниот период (кумулативно) за квартал од 01.01.2022 година до 31.12.2022 година; -К2 -квартален извештај за достасани ненамирени обврски на Општина Кисела Вода, -К3- квартален извештај за промените на состојбата за секое задолжување на општините и јавните претпријатија основани од општините;

8. Годишен извештај на Oпштина Кисела Вода за 2022  година, со:

-Завршна сметка на Буџетот на Oпштина Кисела Вода за 2022 година;

-Извештај за побарувањата и за обврските на Општина Кисела Вода, содржани во Завршната  сметка на Oпштина Кисела Вода за 2022 година;

            -Извештај за реализација на блок дотации на Oпштина Кисела Вода во 2022 година;

-Извештај од одговорниот сметководител  за точноста и веродостојноста на годишната сметка на Oпштина Кисела Вода за 2022 година;

-Годишен извештај за користење на средства од резервите на Oпштина Кисела Вода во 2022 година;

9.Предлог-Буџетски календар на Oпштина Кисела Вода за 2023 година;

10.Предлог – Одлука за проширување на средствата на Буџетот  на Општина Кисела Вода за 2023 година;

11.Предлог – Одлука за измени и дополнувања на Одлуката за извршување на Буџетот на Општина Кисела Вода за 2023 година бр.09-11889/28 од 26.12.2022 година;

12.Предлог – Одлука за измена на Одлуката за додаток на плата заради прилагодување кон пазарот на трудот за вработените  во Општина Кисела Вода бр.09-11889/29 од 26.12.2022 година;

13.Советнички прашања.

Седницата ќе се одржи во големата сала во барака 7.

Од вчера се одвиваат градежни активности на кракот на улица “Вера Јоциќ”. Санацијата опфаќа 5300 квадратни метри и по нејзиното завршување ќе обезбеди безбеден и комфорен сообраќај долж целата улица, вклучително со двата нејзини краци.

Повеќе: Кисела Вода започна со санација на ул. “Вера Јоциќ”