И денес продолжува вчера започнатата акција за чистење на Драчево. На потегот од населбата Драчево, се до манастирот Св. Руса во Пеленица, интензивно работат голем број на сезонски работници, ангажирани преку Секторот за месни заедници при Општина Кисела Вода.
Се работи рачно и со механизација. Се собира сметот, се коси нараснатата тревна вегетација, се кастрат суви гранки. Во акцијата, своја поддршка даде и црквата Св. Спас за машинското чистење на делот пред гробиштата.
Општина Кисела Вода, во насока на обезбедување на почиста животна средина и понатаму ќе продолжи да интервенира на сите локации каде е забележано собирање на поголема количина отпад. Воедно, апелираме до сите граѓани за совесно однесување и почитување на Законот за јавна чистота.
Please wait...
