Нови 45 решенија за легализација на дивоградбите од овој дел на градот денес додели градоначалникот на општина Кисела Вода Билјана Беличанец-Алексиќ. Со тоа, бројот на семејства кои добија правен статус за дивоизградените објекти, се искачи на 4307.
Во своето обраќање пред присутните, градоначалникот Беличанец-Алексиќ го истакна бенефитот од заокружувањето на Законот за легализација и назначи дека придобивки има и општината, но пред се нејзините жители кои конечно стануваат свои на своето и можат и правно и легално да располагаат со имотот. Додаде дека токму заради тоа е неопходно документацијата да биде целосно комплетирана за општинските служби да можат непречено да ја работат својата работа.
- Бројот на поднесени барања без геодетски елаборат, во овој момент, изнесува 2920. Исто така, изготвени се уште 119 урбанистички согласности, од кои, за 93 се чека уплата на надоместокот, за постапката за изготвување на Решенијата за легализација на објектите да може да се продолжи. Општина Кисела Вода во исчекување на новите измени во Законот за легализација ќе продолжи да работи со истата динамика во интерес на граѓаните, како би се заокружил овој процес-назначи Беличанец-Алексиќ.
Please wait...
