Спортски активности во Кисела Вода за 22-годишнината од независноста на Македонија
Рејтинг на корисник:
/ 3
Општина Кисела Вода се вклучува на активностите за одбележување на државниот празник “8-ми Септември”, кој годинава ќе се одбележи во духот на спортот. Со низа спортски настани, Општина Кисела Вода ќе ја одбележи 22-годишнината од независноста на Македонија. Несомнено е дека спортот има универзални вредности на обединување и анимирање на граѓаните. Општина Кисела Вода пак, е локална самоуправа која отсекогаш била расадник на спортски таленти. Потврда за тоа се бројните успешни спортски имиња од општината – фудбалската легенда Дарко Панчев, кошаркарскиот ас Петар Наумовски, ракометарот Аце Станковски и многу други. Сите тие своевремено биле најуспешни во училиштата во Кисела Вода, а подоцна со своите резултати ја освојуваа Европа. Дополнително, во општината се негува најмасовниот и најдоброорганизираниот училишен спорт во Република Македонија, признание кое неколку години по ред го дава Федерацијата на Училишен спорт.
Во насока на потврда на спортскиот квалитет и активно вклучување во спортското чествување на денот на независноста, Општина Кисела Вода со два спортски настани ќе се вклучи во неделата на спортот.
В четврток (05.09.2013), со почеток во 12:00 часот, во шаховската школа “Ристо Ничевски” во нас. “Расадник”, ќе се одржи шаховски натпревар помеѓу најдобрите ученици-шахисти од сите осум основни училишта во општината.
Веќе во петок (06.09.2013), со почеток во 12:00 часот, општината организира ревијален турнир во мал фудбал, во кој учество ќе земат екипите од училиштата: “Круме Кепески”, “Кирил Пејчиновиќ”, “Невена Георгиева – Дуња” и “Кузман Шапкарев”. Турнирот ќе се одржи на новото повеќенаменско спортско игралиште во нас. “11-ти Октромври – згради”, кое општината во насока на развој на спортот, го изгради минатата година.
Please wait...
