Насловна
Работна средба со жителите на населбата Драчево и на урбаната заедница Пинтија оствари вчера градоначалникот Билјана Беличанец-Алексиќ, заедно со Претседателот на Советот Трајче Донев и тим од стручните служби од општина Кисела Вода и јавните претпријатија на град Скопје. Граѓаните од овој дел на градот, имаа можност да ги презентираат и да побараат решение за проблемите со кои се соочуваат.
Најмногу се разговараше околу решавање на прашања од комуналната инфраструктура, уредувањето на просторот и создавање на услови за хумано живеење, при што граѓаните беа информирани за тековните и планирани градежни активности кои ќе допринесат за надминување на посочените проблеми. Дополнително, градоначалникот Беличанец-Алексиќ ги информираше и за планираните капитални проекти за овој дел од градот- планот за отворање на градинка во Пинтија, која треба да одговори на потребите на родителите со дечиња од претшколска возраст, како и за планот за спроведување на мерки за енергетска ефикасност во градинките “Пеперутка 1” и 2 во населбата Драчево, преку промена на системот за греење.
Посетата на месните и урбаните заедници во општината продолжува и во наредниот период. Во вторник, во 18 часот е закажана посета на УЗ Кисела Вода, а веднаш по неа, во 19 часот, тимот од општина Кисела Вода ќе се сретне со жителите на Расадник.
Please wait...
