Денес и утре, на 14 и 15. 10. 2016 година во период од 07:00 до 11:00 часот, општина Кисела Вода, преку секторот за Месна самоуправа и социјална заштита, заедно со ЈП Комунална Хигиена Скопје спроведува акција за собирање на кабаст отпад на територија на општината.
Активностите се реализираат пооделно по урбани и месни заедници според датумот и времето предвидено за одложување на отпадот според следната динамика:
- 14. 10. 2016 година (петок) 07,00- 11,00 часот У.З. Кисела Вода, У.З. Расадник, УЗ. 11-ти Октомври бараки, МЗ. Пинтија, У.З. Бобан Трпков- н. Драчево, М.З.село Драчево и М.З. Усје и Градинар.
- 15. 10. 2016 година (сабота) од 07,00 – 11,00 часот: У.З. Цветан Димов, У.З. Бирарија, У.З. Црниче, У.З. Пржино и У.З. 11-ти Октомври згради
Општина Кисела Вода апелира до сите граѓани, отпадот да го одложуваат во точно предвидените термини пред своите домови, колективните згради на пошироките улици, а притоа да не се загрозува сообраќајот за автомобилите и пешаците.
Кабаст отпад опфаќа секаков вид на домашен отпад (мебел, бела техника, електронски отпад, опрема – делови за бања и купатило) освен градежен шут, гранки и комунален смет.
Please wait...
