Новости
Бадниковите огнови вчеравечер ги осветлија речиси сите маала во општината Кисела Вода. Во насока на зачувување и негување на традицијата, општината и годинава традиционално подели дрва на вкупно 115 заинтересирани групи на граѓани од сите месни и урбани заедници во општината, кои се пријавија на повикот. Општина Кисела Вода за оваа цел ја искористи сечата на стари дрва која ја реализираше уште во летниот период, по што следеше организирана достава на дрвата до сите месни и урбани заедници.
За вчерашната најава за Бадник и големиот христијански празник Рождество Христово - Божик, општината во духот на традицијата обезбеди и испорача по една погача и шише вино до сите 15 месни и урбани заедници во општината.
Повеќе: Општина Кисела Вода ја продолжи бадникарската традиција
Божиќна топлина и радост влегоа во домот на 15-членото семејство Китановски од Општина Кисела Вода. Трошната куќичка на ова семејство во населбата Припор, денеска беше опремена со нова детска соба, а дечињата добија пакетчиња. Насмеани детски лица и задоволни родители утрово ги пречекаа градоначалникот на Општина Кисела Вода, Билјана Беличанец – Алексиќ и претседателот на Советот, Трајче Донев кои лично сакаа да им ги честитаат божиќните празници и да внесат божиќна светлина во домот на најголемото семејство во општината.
-“Денеска, во пресрет на најголемиот христијански празник Божиќ, заедно со Претседателот на Советот и дел од советниците го посетивме семејството Китановски за да им ја збогатиме божиќната трпеза, пред се со една божиќна погача, бадниково гранче, еден пакет со прехранбени и еден пакет со хигиенски продукти – изјави градоначалникот Беличанец - Алексиќ.
Повеќе: Општина Кисела Вода ја збогати Божиќната трпеза на семејството Китановски
Во недела (06.01.2014), во 11:00 часот, градоначалникот на Општина Кисела Вода, Билјана Беличанец – Алексиќ ќе го посети 15-членото семејство Китановски од нас. Припор и ќе донира покуќнина и пакетчиња за децата. (ул. “Христо Татарчев 28” бр. 4, првата улица од десно по месната заедница во Припор).
Ги покануваме редакциите на пишаните и електронските медиуми да испратат новинарска екипа (новинар и снимател или фоторепортер) да го проследат настанот.
Божиќните празници се денови на љубовта, спокојот, простувањето и милосрдието. Токму во пресрет на божиќните празници, Општина Кисела Вода продолжува со традиционалните хуманитарни акции.
Во недела (05.01.2014) во 11:00 часот, градоначалникот и претседателот на Советот на Општина Кисела Вода, Билјана Беличанец – Алексиќ и Трајче Донев ќе го посетат 15-членото семејство Китановски од населбата Припор и ќе донираат покуќнина и пакетчиња за дечињата.
Скромниот дом на ова семејство ќе биде опремен со нова детска соба, која е донација од компанијата Телесмарт Телеком, а се реализира преку проектот “Се грижиме за топол дом”, за чија имплементација општината Кисела Вода потпиша Меморандум за соработка со Министерството за труд и социјална политика.